Del video e momentit kur Mark Zuckerberg pushon 11 mijë punëtorë (Video)

Lajmi që Mark Zuckerberg ka marrë vendimin për të shkarkuar 11 mijë punonjës në Meta, po bën xhiron e botës. Pak më parë është publikuar një video në të cilën ai u bën të ditur lajmin e pakëndshëm.

Faqja nbcnews.com shfaqi klipin, i cili është filmuar nga një celular, dhe tregon miliarderin duke thënë: “E di që ka një sërë emocionesh të ndryshme. Dua të them paraprakisht se marr përgjegjësinë e plotë për këtë vendim”.

Në fakt, telefonata thuhet se ishte një nga dy të veçantat që kishte CEO i Facebook, tha një burim, një për punonjësit e pushuar nga puna dhe një për ata që nuk preken.

“Unë jam themeluesi dhe CEO, unë jam përgjegjës për shëndetin e kompanisë sonë, për drejtimin tonë dhe për të vendosur se si ne ekzekutojmë,” tha ai.

Më pas, Zuckerberg u tha të pushuarve se ai mori “përgjegjësinë e plotë” për vendimin. “Ishte një nga thirrjet më të vështira që më është dashur të bëj në 18 vitet e drejtimit të kompanisë,” tha CEO, duke shtuar, “Natyrisht, kjo ka një ndikim të madh në jetën tuaj. Por edhe për misionin tonë”.

“Ne po humbasim njerëz të cilët me të vërtetë kanë vendosur zemrën dhe shpirtin e tyre në këtë vend,” belbëzoi CEO i Facebook.

“Pavarësisht se në cilin ekip mund të keni punuar, secili prej jush luajti një rol në kontributin në produktet që miliarda njerëz përdorin për t’u lidhur çdo ditë. Secili prej jush është i talentuar dhe i pasionuar dhe secili prej jush ka luajtur një rol që Meta të ketë sukses”, shtoi ai./abcnews.al

Leave a Comment

Your email address will not be published. Required fields are marked *